|
الدنيه من اتصيبني بنيشانها
زينب اذكرها وجيب احزانها
******
من اجيب احزانها الهم ينجلي
ودمعتي تسيل عالخدي لبت علي
بيوم واحد ضلت بلايه ولي
وبكت جنها المرتضى بميدانها
******
زينب وما كو مثل زينب مره
وبفضلها تاهت اعقول الوره
خلي كلشي تكول تبكه مقصره
شانها شان الزجيه شانها
******
زينب وماكوا مثل زينب اسم
والنعم منج يزينب والنعم
انتي جافل خدرج النشمي الشهم
ذاك ابو فاضل كمر عدنانها
******
حين كبرج شفته ودموعي تكت
بلا شعور ولا وعي وحركه صحت
حرمه زينب ليش حاربها الوكت
وتالي شافت عالثره خوانها
******
الباري بيها افتخر بت حامي الدخيل
حين ودعت كربله بوكت الرحيل
لو جبال الصبر زينب ما تشيل
ولا انس تكدر تشيله وجانها
******
صدت وشافت حسين اعللثره
كلي شسوي وبكت متحيره
تنزل تدفنه وهيه مخدره
والغسل كبل الدفن واجفانها
*****
كالت امشي للنهر وهناك اصيح
صدك هذا حسين عالغبره ذبيح
صدك عالناكه ركبت ونته طريح
وما كمت خويه وترج اكوانها
*****
زمان الحسناوي/ قم المقدسة |
