|
زينب نادتك يا بطل يمجنه
ردنه يبو النوماس ردنه
******
دمع الهاشمية يسيل وسفه وحيف
ونته اتسلمت من ايد ابوك السيف
كوم اسمع شمر يصرخ يزينب طيف
يرجعلج اخوج وياخذج منه
******
كوم اسمع شمر يا مردم الكلفات
ينشدني بشماته وشكل للشمات
اشوفه بفرحته يكلي جفيلج مات
وعفت العسكر من ادماه يتحنه
******
شجاوب شرد اكله منين ابدي منين
اكله يكوم اخيي وهو ابلا جفين
شلون يوجد اخته والسهم بالعين
وما اكدر اكله كاطعه الضنه
******
دكلي الراي شنهي يا عجيد الراي
تدري بالشماته تاذي كلبي هواي
يحاجيني ويأشر خويه صوب الماي
امأمن ما تجي يا بو الفضل جنه
******
وانه متانيه جيتك وكلت يعود
اخويه ما تعوكه جفوف عنده زنود
اخويه ما تهمه ضربت العامود
اخويه بذكره طير السمه يتغنه
******
لجن ما بينت يا به الفضل يا حيد
وخليت العده دكوا اطبول العيد
شمر يصرخ يزينب جسم اخوج بعيد
اجه دور اليسر والدمعه والونه
*****
زمان الحسناوي/ قم المقدسة |
