|
هاليله زينب واكفه بالحومه
ملجومه بفراك الاهل ملجومه
وتنادي يالي عالترايب نومه
كوموا وشوفوني بياحاله
******
الله واكبر يا كلبه شكبره
وتشوف كل اخوته فوك الغبره
شبجت على الراس العقيله العشره
ودمعته اعلى الخد هماله
******
ما ردت بس واحد يجيني الليله
يحرس يتامه ام الحسن والعيله
حتى اروح لجافلي واحجيله
هنياله الميت هنياله
******
بكربله شفت المايصير وما صار
بالخيمه نسوان ويوجوه بنار
والخيل كامت تسحك زغار كبار
واني الرديت الخياله
******
عتبي على اللي كال كومي ابختي
وحطه ايده بيدي وكال زينب يختي
بس نادي يا راعي الوفه لو خفتي
يا هاب الخدرج يدناله
******
ناديته جم مره ولا جاوبني
تقبل اروح انخه الذي سلبني
عذبني يا خويه الهجر عذبني
يا راعي السيف وشياله
*****
زمان الحسناوي/ قم المقدسة |
