|
يهل زينب اهي زينب شضل بيه
وبجت حته الاعادي من بواجيه
******
ركبت عله الناكه ولاح راس حسين
لصوب العلكمي دارت بسرعه العين
لنه تشوف رايه طايحه وجفين
ويم المشرعه مطروح واليها
******
تنظر للثريه راس فوك الزان
وتنظر للثره جفين عالتربان
شوف العده شسووا يا بني عدنان
ونومتكم الطالت شنهي تاليه
******
يا اهل الشجاعة وياربات سيوف
زينبكم خيال اله فلا مشيوف
تاليها على ناكه هزيله تطوف
جاوين المواضي اوين اهاليها
******
حكه اللي عتب واللي يريد يلوم
كافي النوم عن الثار كافي النوم
شهر يهل الشرف زينب ابين الكوم
ولا واحد اجاها ويسأل عليه
******
بشرعكم هذا صاير يا اهالي الطيب
كوم اطفالكم لجل العقيله اتشيب
عيب اعله الزلم يا بني هاشم عيب
زينب تنسبي وتضحك اعاديه
******
جاوينه ابو صالح فخر عدنان
خل يكصد اميه ويذبح الرضعان
ويدوس عله لخشوم ويسبي النسوان
ولكن نظر زينب عينه يعميه
******
جا يمته ظهوره وشنهو تأخيره
خل ياخذ بثار الظلت بحيره
وما تدري نظرها المن تديره
ويبس حته حلكها من نواخيها
*****
زمان الحسناوي |
