|
وحك الله ورسوله وفاطمه الزهره
اشتاكينه لعلي ولمرقده وكبره
******
يا ربي وحك ضلعي الذي تكسر
ما نكدر بعد عالصبر ما نكدر
كل شيعي يريد يعيش يم حيدر
اهو الفاكد حبيبه ياهو ليصبره
******
يلتجيب دعوة عبدك وتسمع
بس ردنه تردنه لحيدر ونهجع
وما نطلع بعد ياربي ما نطلع
نضل مثل الحمام ندور بالحضره
******
اهو بس اسم حيدر للعقول يجن
وبالشدات بسمه اللي نخه ايأمن
مو حكها لتحبه عليه من تحن
تحن لحضرته ولكبته الصفره
******
نحبه مو بدينه وابد ما ننساه
وي كل رضعه اسم المرتضى سمعناه
دنيه واخره يارب نريد وياه
امشي عليك سبط المصطفى ونحره
******
حنينه لعلي ولمرقده وكاعه
ولبيبان كبره ودكت الساعه
ويا محله الاذان بصوت سماعه
سماعة علي بكلوبنه تقره
******
من تقره الاذان وتوصل الاسمه
اذكر كل يتامه الناس والرحمه
علي بحلك اليتامه الضايعه بسمه
وحنه ايتام عيشتنه بكثر كبره
*****
زمان الحسناوي/ قم المقدسة |
