|
يخويه اشلون اكصدك دربك امنين
وانه مدوهنه ومتحيره بثنين
*********
حرت مدري اجيلك مدري اعوفك
يخويه حسين حيرتني طفوفك
اذا جيتك دكلي شلون اشوفك
واذا عوفك يصير الكلب نصنين
*********
تراني تحيرت يابو الصبر بيك
اذا جيتك اشيلك لو اخليك
لو اكعد بصفك بس اناغيك
واكلك يا بعد روحي يالحسين
*********
باصرني يخويه وشوف حالي
تراني جريت دمعي الجان غالي
عكب خدري اشوف الذله تالي
ترضالي بهضم يالكلبك حنين
*********
احيرن بيك لو بعيال وطفال
انشف دمعتي لو دمك السال
لو اكضي العمر خويه عله هالحال
يمن ريت اخذ عمري خلافك البين
*********
اجيك منين يالجسمك رميه
وذا شفتك يخويه شلون بيه
انوح عليك لو تنحي عليه
لو نتناوب الحسره والونين
*********
دجاوبني يروحي وعوف نومك
تره شاب الكلب لمصاب يومك
صدك مطروح ومسلبه هدومك
تمنيت العمه ومتشوفك العين
*****
زمان الحسناوي |
