|
يا ال هاشم زينب اكفلتوها
ليش تالي بكربله عفتوها
*********
انتو موعادتكم الذل والجفه
وجبتوا ام الخدر وام المعرفه
تالي تخلونه هذا وفه
مو وفه منكم يمن جبتوها
*********
ليش جبتوها وتخلوها بحزن
بيا ذنب حرمه ابد ما تستجن
الناكه شافت زينب وكامت تحن
وانتوا جنكم ابد ما شفتوها
*********
نار اميه بالمخيم تستعر
وزينب برجليه تسحك عالجمر
امعلمه اطفي النار من الزغر
ونتوا لا نار الذي طفيتوها
*********
كون يلفوها اهله الفاجده
مو يخلوها تضل بين العده
زينب الكم يا آل هاشم والده
وتعبت الكم يمن جازيتوها
*********
يا آل هاشم ارد اسمعكم عتاب
زينب بيوم البكت فرجة اجناب
يا هلي صاحت ومنه الكلب ذاب
وما تسمعون اللي ضيعتوها
*********
ياهلي صاحت يفرسان الحرب
من اميه شفت مو بس الضرب
يا هلي مشوني بأصعب درب
وهضمتي اهل المثل ضربوها
*********
يا هلي خدري خدر كبل الطفوف
وشاني كعبه اتطوفه يوميه الالوف
وتالي اني ابلدة الكوفه اطوف
هذا تالي الذي دللتوها
*********
ومن طلعنه الكوفه ساعه درت انام
ولنه دارت بيه دورات الايام
زينب انه ويني وديرة الشام
ليش ما للعيله خلصتوها
*********
ولون كلتوا ياهلي عباس وين
ابد ما كصر ابن ام البنين
لجن عالشاطي فده روحه لحسين
وهامته بذاك العمد صابوها
*********
وراح اجيكم للمدينة بيا وضع
وانه حته ما بكه بعيني دمع
ريت ويه امي نكسر مني الضلع
وجثتي ويه الطاهره دفنتوها
*****
زمان الحسناوي |
