|
سبوع
اتاني ترجع ومني المدامع هامله
حته جم نشده انشدك يالزرت طف كربله
******
مفارك وتدري لمفارك كلبه ما يهجع ابد
مفارك العيشه الاحبها بأطيب واطهر بلد
مفارك اللي هزني حبه ويه هزات المهد
وجنت ليل نهار يمه وكله ويكلي هله
******
لا تلوم الدمع خله يجري ويجرح العين
او بالعتب كلبي الوعه والجم جروح
السنين
انه فاركت الحسين وشنهي عمري بلا حسين
الدنيه ظلمه خلاف عين حسين راعي
المرجله
******
يا لزرت طف ابو اليمه يم ابو اليمه
شلكيت
ما شفت ايتام يمه ومن شفتهم ما بجيت
ما كلت يا ريت ما جيتك وياريت انعميت
ولا شفت جثت حسين اعله التراب مرمله
******
او من رحت للتل يزاير ودمعة عيونك تسيح
ما شفت حرمه غريبه تكوم كالساعه وتطيح
امجلبه بيها اليتامه وهيه كل ساعه تصيح
احسين يحسين علبختك تدري بيه مدلله
******
ما شفتها تريد تمشي للمخيم لو ترد
ما صحت يمها يزينب مصابج يفت الجبد
ما شفت عين العقيله الياكتر جانت تصد
للكمر لو للصميده لو لبن عقد الوله
******
آني ادري عيون زينب جانت تصد عالنهر
او من تون احلف يزينب جانت تذوب الصخر
او من رحت صوب الشريعة ما صحت يم الكمر
كوم يا ناطور خدر الطاهره لخدر نوله
******
كافي يا عباس صبرك وكافي سكته وكافي
نوم
هاي بت الزهره زينب يم ابو اليمه تحوم
حايره وشنهي تسوي بس تطيح وبس تكوم
تنتظر كومتك اله والوجود اتزلزله
******
اكعد اسمعها تنادي ومنه مفطور الكلب
كوم يا عباس كوم واكلب الدنيه كلب
اختك آنه شلون ترضه اوكف بساحة حرب
حسين ما اكدر اعوفه وخايفه اعله
العايله
******
من اعوف حسين وحده خاف يا ذونه العده
وخاف جرحه يلجمونه من يضل بوحده
ولو اظلن يمه ياهو لليتامه الشارده
واليتيم الراح ابيه غير زينب ياهو اله
*****
زمان الحسناوي/ قم المقدسة |
