|
بسك يا دهر من طبعك وغدره
شعندك ويه زينب مهجة الزهره
*********
شرايد من عقيله حيدره وطاها
ليش الضيم كله تلمه فوكاها
ياثار التطلبه شعندك وياها
لا ترتاح من زينب تجر حسره
*********
شعندك ويه زينب ليش تهضمه
وكاليوم بمصيبه وشوغه تلجمه
خمس سنين وتعاين صدر امه
بالبسمار عاب وشافت العصره
*********
وشافت محسن مخضب على العتبه
كصدتله ودمعه على الاخو تصبه
وبجفوف المحنه كامت تكلبه
وتكله اهلاً بخي المابده عمره
*********
شافت عوده متصوب بغدرك
وبونه تكله لا كصر عمرك
يا بويه جنت متنومسه بكترك
وفكدك للكلب يا والدي يفطره
*********
وضلت بين ابو محمد وبو اليمه
لجن كوس الدهر ميخلي هالمه
نيشن عالحسن وبجبدته سمه
ويا كلب العقيله ما خلص صبره
*********
شضل بزينب الحره يدهر البين
مو سهمك جسم دلاله نصين
عكب ذاك الشمل ضل بس اخوها حسين
خليها يدهر النايبه بكتره
*********
ما خلاها زينب تكعد بجاله
وحضر لبو اليمه سهام جتاله
ونبت سهم المثلث بدلاله
او وكع روح الزجيه حسين عالغبره
*********
ورد المهر خالي وزينب تنشده
هم يرجع اخي وكعد بسده
وحب ايده وحط راسي على زنده
وكضي العمر بس اشتم عطر نحره
*****
زمان الحسناوي |
