|
زينب تعاين الامه بيا وضع
ايد فوك العين وايد اعلى الضلع
*********
تعاين امه مكبعه بضيم الدهر
وتشجي حالته لعلي فارس مضر
تكله بعيونك شفت ضلعي انكسر
وشفت سطرت كنفذ الخلت طبع
*********
انته حيدر بالحرب مالك مثيل
ونته وكت الضيج حماي الدخيل
ودخلت عندك بدمعي اللي يسيل
والدخيل العرب توكفله درع
*********
وهيه عاده اللي يطيح بموزمه
بس يصيح بصوت يا حامي الحمه
تكضي شدته بالارض لو بالسمه
وانه كدامك طفو نوري اليشع
*********
وهيه تشجي لحيدر وزينب تون
ولبو اليمه تعنت بدمع الحزن
تكله يا ريته عمه صبي الجفن
ولا يشوف امي بهضم تهمل دمع
*********
كوم ويايه يبو كلب الحنين
بشوفتك يستر كلب امنه الحزين
وحين كصدوا لمهم وشافت حسين
تكله ضلعي يمه بي لا تنصدع
*********
ضلعي واحد يجي المهدي يجبره
لجن صدرك كل ضلوعه مكسره
وبضلوعك تضل زينب حايره
وتريد تجمعهن لجن ما تنجمع
*********
يمه شحجيلك بعد عن يا جرح
جسمك يضل عاري من بعد الذبح
وراسك يشيلونه يحسين برمح
وراسي عالزان ويراسك يرتفع
*****
زمان الحسناوي |
