|
حسين يا خويه طحت من المهر
وشابحه عيوني اعلى دربك وانتظر
*********
من سمع هالصوت ابو اليمه دوره
بعد ما يكدر يشم حته الهوه
وكصد لعضيده وعلى جسمه هوه
وصاح دكعد يمن وجهك جالبدر
*********
من وصل يم سلوته وشاف السهم
والجفوف مكطعه بصف العلم
لزم ضهره وصاح يا سور نهدم
جنت سوري وجنت ناطور الخدر
*********
زينب اختك ظلت بلايه امان
وانه حاطتني العده من كل مجان
وين اخوتك والوفه اوين الحنان
ليش تكطع يا وفي عشرة عمر
*********
عفت سكنه تحاجي اخوه البالمهد
تكله يا عبد الله لا تحجي بعد
عمك العباس ما يخلف وعد
هسه يلفي بجربته خويه ابتشر
*********
وختك الحره بعد ما بيها حيل
تسكت الايتام وتباري العليل
وساعه تكعد ساعة دمعته تسيل
وهيه جان يهابه الريح اليمر
*********
خويه كوم وياي يا راعي الوفه
وبيدك وبيدي دمعه نشفه
هاي زينب ذل ابد ما شايفه
وشجاب زينب عله الهزل واليسر
*****
زمان الحسناوي |
